ភ្នំពេញ៖ សម្តេចតេជោ ហ៊ុន សែន តាងនាមជាអាចារ្យធំបានកំណត់ថ្ងៃចូលរោងជ័យឱ្យ ពិធីការិនី ហ៊ិន ចន្ធ័នីរ័ត្ន និងលោក ឌី ពេជ្រ នៅថ្ងៃទី២២ខែធ្នូ ឆ្នាំ២០២៣ខាងមុខនេះ ខណៈថ្ងៃស្អែកទី២២ ខែតុលា ឪពុកម្តាយខាងប្រុសនឹងចូលស្តីដណ្តឹងកូនស្រី។

សម្តេចតេជោ បានសរសេរនៅក្នុងឆាណែលតេឡេក្រាមនាព្រឹកថ្ងៃទី២៦ ខែតុលាថា៖«ដើម្បីជៀសវាងមាត់ចាបមាត់ព្រាបដូចពាក្យចាស់លោកពោលថាមាត់វែងជាងផ្លូវជុំវិញកូនប្រុសឌី ពេជ្រនិងកូនស្រីហ៊ិន ចន្ធ័នីរត្ឋ័។ ក្នុងឋានះជាឪពុកធំកូនពេជ្រខ្ញុំត្រូវតែចូលរួមរៀបចំឲ្យកូនទាំងពីរបានចូលរោងការតាមប្រពៃណី។ថ្ងៃស្អែក២៧តុលា២០២៣ឪពុកម្តាយខាងប្រុសចូលស្តីដណ្តឹងកូនស្រី»។

សម្តេចតេជោបន្តរៀបរាប់ថា៖«ថ្ងៃ២២ខែធ្នូ២០២៣កំណត់ជាថ្ងៃរៀបការដែលគ្រួសារទាំងសងខាងនិងសាមីខ្លួនបានយល់ស្របតាមខ្ញុំដែលជាអាចារ្យធំរៀបចំពេលវេលាបែបនេះ។ ឈាមច្បាស់ជាខាប់ជាងទឹកនិងសង្ឃឹមថាពុំមានអ្នកធ្វើអត្ថាធិប្បាយណាយកទៅបកស្រាយផ្សេងពីនេះទៀតឡើយ»៕